ຫລາຍທ່ານອາດຈະສັງເກດວ່າ ບລັອກຕົວເອງນັ້ນເປັນຫຍັງຈຶ່ງວ່າບໍ່ຄ່ອຍມີໃຜໄປສະແດງຄວາມຄິດເຫັນເລີຍ ຂະຫນາດວ່າອັບເດດແລ້ວກໍ່ຍັງບໍ່ມີໃຜໄປເວົ້າຫຍັງນຳ ຫຼືອາດຈະເວົ້າແລ້ວແຕ່ພັດວ່າບໍ່ເຫັນປະກົດໃນບລັອກ ນັ້ນກໍ່ເປັນເພາະວ່າທ່ານຍັງບໍ່ໄດ້ Approve ຫຼືອະນຸມັດໃຫ້ comment ນັ້ນ ໆ ປະກົດເທື່ອ
ຂັ້ນຕອນກໍ່ບໍ່ຍາກ ພຽງແຕ່ເຂົ້າໄປທີ່ຫນ້າ Admin ຂອງບລັອກທ່ານ ແລ້ວກໍ່ໄປຫົວຂໍ້ Comment ຈາກນັ້ນກໍ່ເລືອກ Approve ໃນຄວາມຄິດເຫັນທີ່ຕ້ອງການຈະອະນຸມັດເທົ່ານັ້ນກໍ່ໄດ້ແລ້ວ
ແລະຫາກຕ້ອງການໃຫ້ຄວາມຄິດເຫັນຂອງຜູ້ຊົມ ສາມາດສະແດງໂດຍບໍ່ຕ້ອງລໍຖ້າການອະນຸມັດ ແມ່ນໃຫ້ໄປທີ່ Admin ແລ້ວກໍ່ໄປທີ່ Options ແລ້ວໄປເມນູຍ່ອຍ Discussion
ແລ້ວເລືອກຕິກເຄື່ອງຫມາຍຖືກຕາມພາບດ້ານລຸ່ມນີ້
ພຽງເທົ່ານີ້ເມື່ອມີຜູ້ສະແດງຄວາມຄິດເຫັນໃນບລັອກຂອງທ່ານ ກໍ່ຈະຖືກນຳມາສະແດງໃນບລັອກ ໂດຍບໍ່ຕ້ອງມີການລໍຖ້າອະນຸມັດຈາກເຈົ້າຂອງບລັອກແຕ່ຢ່າງໃດ 
ແທັກ: LaoBlogger.com, Tips, ຄຳແນະນຳ, ບລັອກ, ລາວບລັອກເກີ